بەبۆنەی یەکێک لەبرادەرانەوە چووین بۆ خزمەتی دکتۆر …. سەرۆکی بەشی کۆمپیوتەر و تەکنیک و هەموو شت لەزانکۆی … و دوای چەندین پاڵێوی سکرتێر، گەشتین بەحزووری. کۆمپیوتەرێکی جانتایی لەبەردەست بوو، دوو میوانی تریشی لابوو. هێڵی ئەنتەرنێت لەزانکۆ نەبوو ئەو ڕۆژە.
کەگەشتینە خزمەتی بۆمانی ڕوون کردەوە کەخەریکە قەمەر سەناعی شەبەکاتی ئینتەرنێت دەگۆڕێت. بۆیە هۆکاری نەبوونی هڵێی گەڕاندەوە بۆئەوە.
من لام وابوو کابرا یان کامێرای شاراوەیە یان بەئارەزوی خۆی پێمان ڕادەبوێرێت. وەلاشم وابوو ئەگەر نوکتەبازە یان نوکتەچییە، ئەوە نوکتەیەکی بێتامە کەس پێی پێ ناکەنێت. بەڵکو شەرمیەکی گەورەیە. جائیتر نازانم ئەم قەمەرەی کەگۆڕی پرسی بە NASA کرد؟ یان پێویست ناکات چونکە دۆستی کابرایە و کابراش خۆی سۆشیال دیموکراتە پرسی ناوێت.
هەر ئەمڕۆش ئەم وێنەیەی لاتەنیشتیم بینی، یەکێک لەخوێندکاران وتی دەبێت CD/DVD لەسەر لاتەنیشت تێ بکەیت بیلا مەعنا دەستی پێوە بگریت، هەروەها لەهەمووی سەیرتر شوێنی خۆشی هەیە و PC Vertical ن کۆمپیوتەری ستونین بەڵام لەوانەیە ئەو برادەرەی خەریکی قەمەر گۆڕین بێت پێی وابێت دەبێت لەسەر لاتەنیش بێت تاوەکو دەنگی پانکە و شتەکانی ناوەوەی لەگەڵ دەنگی مۆنیتۆرەکە تێکەڵ بن و زیاتر خوێندکار وەڕس بێت. یان وەختی خۆی PC Horizontal کۆمپیوتەری ئاسۆیی بینێبێت لەشوێنێک و ئیتر پێی وابێت ئەوها جوانترە.
بەڵام ئەکرێت ئەم لێکدانەوەی من نەبێت، بەڵکو سڕێکی زۆر گرنگ لەپشتی ئەم داهێنانەوە بێت.
تۆ بڵێی چی بێت!!؟